Leupolt und Ernst gebrueder von gots gnaden Hertzogen ze Oesterreich etc. ERbern weysen, und liebsten getrewn. Wir lassen ew wissen, daz wir nach Rat unsrer herren Rêt, Ritter und knecht ainer gemainen hilff und Stewr von allen Prelêten und Pfaffhait, geistlichen und weltlichen Personen, und allen unsern Stetten und Mêrkchten in unserm Land Oesterreich, ober-halb und niderhalb der Enns, enhalb und hie dishalb der Tuenaw gesessen, ueber ain worden sein zu haben, von merklicher und grosser notdurfft wegen, So uns und demselben unserm Lande yetz anligund sind, und sunderlichen von wegen des heiratguets der vertigung unsrer lieben Muemlein, und auch ausrichtung der schêden, und der gevangnen gen Mêrhern, und derselben hilff und Stewr, haben wir auf ew unser Stat hie gelegt und geslagen Fuemf Tausent Phunt Phenning. Davon emphelhen wir ew, und wollen ernstleich, daz Ir dasselb gelt auf den nachstkuenftigen sand Merten tag fuerderleich und an alles vertziehen ausrichtet, und das unserm getrewn Hêtzlein von Velben unserm huebmaister in Oesterreich zu unsern handen antwuerttet, oder wem wir das mit unserm sundern brief auf ew verschaffen. Und des nicht lasset. Das ist gêntzleich unser maynung. Geben ze Wienn an freytag nach Erasmi. Anno etc. Quadringentesimo decimo. dominus dux per cons(ilium)

Source Fulltext: Peter Peusquens