Denn erbern und wyssen dem purgermaister und dem gantzzen Ratt der stat zu Wyenn enpeut ich Fridreich der Garazz fleizzichleich mein dienst und laz eu wizzen als mein pruder her Hans der Drezzidler pharrer zu raptzz (Raabs an der Thaya) verchaufft hat unser haus gelegen in eur statt hinder dem neunmark daz daz gentzleich mein wil ist und pit eu auch fleizzichleich daz ier daz vertigen wellet als eur und eur statt recht ist daz wil ich alzeit gern umb eu und dy euren verdienen Mit urchund des priefs versigelt mit meim aufgedrukten sidel, und mit des erbern chnechts aufgedrukten insidel Hainreis des Leubestorffer denn ich darumb fleizzichleich gepeten hab Geben zu Waydhoffen auff der tey (Thaya) an allerheyligen abent, anno etc. M CCCC decimo.

Source Fulltext: Peter Peusquens