Wir Leupolt von gotes gnaden Hertzog ze Oesterreich ze Steyr ze Kêrnden und ze Krain Grave ze Tyrol etc. Embieten den erbern weysen, unsern getrewn lieben .. dem Burgermeister .. dem Richter, und dem Rate zuo Wyenn, unser gnad, und alles guot. Uns hat fuerbracht, unser getrewr, Hanns Ciernast, unser Burger daselbs, wie er unserm getrewn, Hannsen dem Mosbrunner, ettwevil geltes schuldig sey. Emphelhen wir ew ernsteichen. Daz Ir mit demselben Mosbrunner, von unsern wegen redet, und In darzue weiset, daz er darumb solh werung von demselben Ciernast neme, als er von weilent Franz Hêwn Erben hat genommen. Geben in der Newnstat an Eritag vor Nicolai Anno domini etc. CCCCmo Decimo. dominus dux per se.

Source Fulltext: Peter Peusquens