Unser undertanig dinst altzeit Lieben herren wir lassen ewer weishait wissen, das fuer uns komen ist Larentz Swab unser mitbuerger und hat uns zu wissen getan, wie Im chuenrat kunig Buerger ze Regenspurkch sein guet hie bey ew mit dem verpot verheft und aufgehalten hab und hab In dem rechten darauf gechlagt von geltschuld wegen die wir Im schuldig sein doerumb er unsern brief hat pit wir ew mit allem vleiss lieben herren Ier wellet dem unsern sein guet des verpots ledig sag, wenn wann der egenante Kunig mit dem brief den er von uns hat zu uns kuempt So wellen wir In anververziehen richten und wetzallen das wellen wir alzeit umb ew und umb die ewren verdienn wann sich das gegen uns fuegt oder gepuert. Geben ze Haymburg In die Sancti Blasii martyris Anno etc. XIo. Burgermaister..und der Rat der Stat ze Haymburg.

Source Fulltext: Peter Peusquens