Sigmund von gotes gnaden Romischer kung zu allen zijten merer des Reichs. und zu Ungern etc. kung Ersamen und lieben, wir senden unsern lieben getruen, den Johannsen Weissenstein Burger zu Ofen hinauf ken Osterreich, das er uns allerley holtzwerk, von euch, oder wo er das in dem vorgenanten lande finden mochte, und was zu unserm Baw tochtig und fuglich wer, fuer Tausent gulden kauffen solde. Dorumb begern wir und bitten euch mit fleiße, daz Ir uns dasselbe holtz-werk, das uns der vorgenante Weissenstein also zu unserm Bau kauffen wirt gerulich und unge-hindert furen und komen losset. Doran beweist Ir uns ein sunders wol gefalnuß. Geben zu Ofen an dem nechsten dinstag noch Valentini, unser Reich des Ungrischen etc. in dem XXII. und des Romischen in dem Ersten Jaren.

Source Fulltext: Peter Peusquens