Ich brueder Dietreich prior datz den predigern zu Wienn und ... der gantz convent, da selbs, wechennen, und vergehen, mit der gegenwurtigen zedel, daz ich egenanter brueder in genamen hab an des gantzen convent stat vier phunt wienner muns, von dez geschefts wegen, daz uns der erber herr her Lienhart der Schawr, geschafft und getan hat durich seiner sel hail willen, und seinen erbern geschefft herren enpholichen hat, also sag Ich, obgenanter brueder Dietreich an des conventz stat, ledig und quitt, mit urkund der zedel, mit meinem auf gedrukten insigel. Daz ist geschehen an dem heiligen antlaz obend, anno etc. undecimo.

Source Fulltext: Peter Peusquens