Unser frewndlich willig dinste bevor Erber weyse und lieben frewnd Es sind fur uns komen Ulreich Beyr und Hanns Tuenschaden beyde unser mitpurger, und haben uns kleglichen zo wissen gethan, wie das Sy von Mêrhern her aws sind gefaren mit Sechs tawsent Schinteln dy Sy an Irr war daselbs zu Merhem genomen haben, und mit denselben Schinteln dy gewondlichen Strazze auf der Marich her aws durich das lannd daselbs gefaren sind. Nu sind Sy am nesten vergangen Suntag, mit denselben Schinteln komen gen Marichek .... Stat, da hat In ewr hannsgraf diselben Schinteln da genomen, an schuld und an tat, wenne wir sein vormals nie konnen gedenkken Bitte wir ewr weysheit mit gantzer begir Ir wellet mit ewrm hannsgrafen schaffen, das er den unsern Ir hab ungehindert lasse auch fuderlich nachvolgen lasse, desselben gleichen wir ew und allen den ewrn hinwider tun wellen In solichen und In vil merern sachen ob das sich ymmer bey uns gepuert Beschech awer sein nicht So must wir dy sach verrer pringen an dy Stat da wir sey rechtlich hin pringen solden, awer wir getrawen ew wal Ir lasset es dartzu icht komen geben zu Prespurch an sant Philippi und Jacobi tag der heyligen zwelifpoten Anno etc. undecimo. Der Richter und der Rate der State zu Prespurch

Source Fulltext: Peter Peusquens