Ich Maister Hainreich von Minnchen der Mawrer ze Wienn Bechenn offenleich mit dem brief, das mich der Erber man Wolffhart der Schermitzer purger ze Wienn betzalt hat Newn und Zwaintzig phunt phenning an dem bestanndt der da lawt Nêwn und Zwaintzig phunt vier schilling phenning und sechs ellen cholnisches tuech von der hewser wegen hinder sand Pangretzen Darumb wir paid tail gegen zedel gegeneinander haben. Darumb sag ich In und sein erben quitt ledig und loes Mit urchund des briefs versigelt mit meinem aufgedrukchten pettschad und mit des Erbern mannes Jorgen des Gumpendorffer purger ze Wienn auch aufgedrukchten pettschad Im an schaden. Geben ze Wienn Nach christi gepurd virtzehenhundert Jare darnach in dem Aindleften Jare am phintztag nach sand Kathreintag.

Source Fulltext: Peter Peusquens