Wir Albrecht von gots gnaden Hertzog ze Oesterreich ze Steyr ze Kernden und ze Krain Graf ze Tyrol etc. Embieten den erbern weisen unsern lieben getrewn .. dem Burgermaister .. dem Richter und..dem Rat hie ze Wienn, unser gnad und alles guet. Umb die hab und gueter so weilent Resch der Pinter hinder Im lassen hat, Emphelhen wir ew und wellen ernstleichen, daz Ir der-selben hab und gueter, alsvil hingebt und verkaufft, daz die geltschuld so auf dieselben gueter gegangen ist, davon fuederleich ausgericht und betzalt werde und auch die uebrigen erib und gueter, damit gepawt und inngehalden werden Als lang untz daz mit dem rechten werd aus-getragen wem die pilleich zuegehoeren und gevallen sullen. Das ist unser maynung. Geben ze Wienn an unserr Fraun tag Annunciacionis Anno Domini Millesimo Quadringentesimo Duodecimo. d(ominus) dux per m(agistrum) cur(ie) ad relacionem no(tarii) ca(mere).

Source Fulltext: Peter Peusquens