Wir Albrecht, von gotes gnaden, Hertzog ze Oesterreich, ze Steyr, ze Kêrnden, und ze Krain, Grave ze Tyrol etc. Embieten den erbêrn, weisen, unsern getrewn lieben..dem Burgermaister .. dem Richter, und .. dem Rat, hie ze Wienn, unser gnad und alles guot. Als, ew, wol wissenleich ist, daz wir .. den Entzestorffêrn, mit dem landsrechten zuegesprochen, und Sy, zu drein sechs wochen fuer zeladen geschafft haben, von der ungewoenleichen mautt. und andrer vordrung wegen so Si, von .. den kauflêuten, die das wasser der Tuonaw, mit irer hab, hinab und herauf varent, genomen habent, da aber Sy, noch nyemant von iren wegen, auf antwurtt koemen ist, dadurch wir soelich anklag und das recht gen In behabt und erlanget haben, nach sag des Gerichtbriefs darueber gegeben. Davon ist unser maynung, und emphelhen ew ernstleich, daz ier, mit allen kauflêuten, von wannen die koemen, Sy sein lantlêut oder Gest, die das wasser der Tuonaw mit irer hab, hinab und herauf arbaitent, von unsern wegen, ernstleich schaffet, und den verpietet, daz Si, von soelicher Irer hab und kaufmanschafft weder mautt noch ander vordrung, ob man die, zum Rosenstain, an Si aischen wuerd, nu fuerbasser mit nichte mer geben. Welich das aber darueber têten, die wolten wir, darumb swêrleich pessern. Geben ze Wienn, an Phintztag vor Estomichi . Anno etc. Quadringentesimo Tredecimo. d. dux in cons(ilio).

Source Fulltext: Peter Peusquens; siehe auch: • Tomaschek, Rechte und Freiheiten 2, S. 21 n°118