Ich Peter Vogel dietzeit Burgermaister In der Newnstat, der Richter und der Rat daselbs Bechennen offenleich mit dem brief, das fur uns koemen ist die erber fraw Dorothea Erharthen dez Hayden hawsfraw und hat Irm yetztbenanten wirt Erharten dem Hayden vollen gewalt geben von der zwayer hêwser wegen gelegen ze Wyenn an dem Hohenmarkt hinder der Schrann in dem Winkchel also was er damit handelt ze verchauffen und ze vertigen das ist alles gentzleich ir gueter will. Mit urchuend dez brifs versigelt mit unserr Stat aufgedruktem Insigel Geben an Samptztag nach sand Jacobs tag ym Snytt anno domini Millesimo Quadringentesimo Quartodecimo.

Source Fulltext: Peter Peusquens