Wir Albrecht von gotes gnaden Hertzog ze Oesterreich, ze Steir, ze Kêrnden, und ze Krain, Graf ze Tirol etc. Bekennen. Daz fuer uns kam, unser getrewr, Oswalt der Ingelsteter, unser harnasch-maister, und gab uns auf, das hinder frawnhaus, gelegen vor Widmertor hie ze Wyenn, unsrer lehenschafft, und pat uns vleizz(ichleich), das ze verleihen, unserm getrewn Chuenraten, dem Poppenperger, wan er Im das ze kauffen geben hiett. Das haben wir getan, und haben demselben Poppenperger, das yetzgenant frawnhaus mit seinr zuegehoerung verlihen, und leihen auch, wissentleich mit dem brief, was wir Im zerecht daran leihen sullen, oder muegen, Also daz er und sein erben, das, nu fuerbasser, von uns, und unsern erben in lehens weis, innehaben, nutzen, und niessen sullen, als lehens, und lands recht ist ungevêrleich. Mit urkunt ditz briefs. Geben zu Wienn an Eritag nach Misericordia(s) Domini. Nach kristi gepurt viertzehenhandert iar, darnach in dem funftzehendn Jare. d(ominus) d(ux) in cons(ilio).

Source Fulltext: Peter Peusquens; siehe auch: • Schlager, Wiener Skizzen, N. F. 3, 396.