Mein dinst zevor. Ich lasse ewr erberchait wissen das fur mich und mein erber komen sind Walfel der Paumgartner und Hanns der Rabenstainer bayd mein purger zue Mertterstorff und da bekant mit Irn starken ayden das fraw Kathrey Jannsen hausfraw des Klokcher unt frawn Kathrein seliger gedêchtnusse die Hannsen des Weyntegels weylent ewrs mitwonêr hawsfraw gewesen ist, rechtew geswistreydkind miteinander gewesen sind muterhalben. Bitte ich ewr erberkayt mit guetem vleyse zue wew diselb Kathrey von wegen der obgenanten freuntschafft erb sey das Ir ir darynne gehalffen geratn und furderlich wellet sein das ir das an lenger vertzihen widerfar. Das wil ich umb ew und die ewrn in solichem und grossem verdinen. Geben zunn Vorchtenstain an Phingstabend. Anno domini etc. Quadringentesimo XVImo. Grave Paul .. Grave und Herr zum Vorchenstain.

Source Fulltext: Peter Peusquens