Erbern Weysen, und genedig herren, Mein undertenig und gehorsam dienst ze allen zeiten, von meines hawss wegen gelegen in der Pyppinger Strass, lass ich ew wissen, das ich und ander freundt meim herren und vettern hern Hannsen dem Veytspergêr pharrer ze Perchdoltzdorff etc. dasselb haws erlaubt hab verchauffen und hintzegeben, wem er welle. Wann er dasselb gelt mir und den andern freundten durch grossers nutz und frumen willn an andern steten umb Erbe wider maynet anzulegen Bitte ich ewr gnad mit dienstlichem fleiss Ir wellet dasselb haws also aus-richten und vertigen wem und er das verchauffe, das ist mein begern und guter wille, und mich danne darumb in ewrm Statpuoch auzschreibet. Das wil ich umb ewr genad altzeit gern ver-dienen. Geben ze Patzen an Sand Johanns abend ze Suonewenden Anno domini etc. Quadringentesimo Sedecimo. Erhart Just meins genedigen herren Hertzog Ernsts etc. dyenêr.

Source Fulltext: Peter Peusquens