Wir Albrecht, von gotes gnaden, Hertzog ze Oesterreich, ze Steyr, ze Kernden, und ze Krain, Grave ze Tyrol etc. Embieten den erberen weisen, unsern lieben getrewn .. dem Burgermaister .. dem Richter, und dem Rat zu Wienn, unser gnad und alles guot. Uns hat zu wissen getan, der Ersam unser lieber andaechtiger und getrewr Andre pharrer zu Gors unser kantzler, wie daz er durch gots willen zu dem Kloster und Gotzhause zu sand Dorothee zu Wienn, ain haus zenachst dabey gelegen, das weilent Fridreichs des Hannauer ist gewesen, gekaufft habe, und wan not-duerfft ist, daz die Sach versichert werde, damit derselb kauff und handel, hinfuer beleibleich sey. Emphelhen wir ew, und begern ernstleich, daz Ir den kaufbrief, den man ew, ueber dasselb haus fuerbringen wuerdet, mit der Stat GruntInsigel, schaffet zu besigeln. Daran begeet Ir unsern willen. Geben ze Wienn an Mêntag nach Sant Marteins tag. Anno etc. Quadringentesimo Decimo septimo. d(ominus) d(ux) in cons(ilio).

Source Fulltext: Peter Peusquens