Ich Pernhart von Streytwesen vergich offenlich mit dem gegenwuertigen brief allen lewten ytzund lembtigen oder nach kuenftigen daz ich mit wolbedachtem muett zu der zeit da ich daz mit recht wol getuen macht und durch rechter trew und frewntschaft willen dem Edeln herren meinem lieben vêttern hern Gorigen dem Stuchssen mein haws zu wien gelegen auf der Hach-strazz zwischen der zwayer Edeln herren hewser des von Puecchaym und des von Stuebenberk dasselb mein haws mit aller seiner zugehoerung nuetzen een und rechten als ichs und mein vorderen gehabt haben hab ich im gebenn Allso daz er damit all seinen frumen mag geschaffen wie im daz aller pest fuegt mit versetzen mit verchawffen geben wêm er wil an all mein irrung und widerred Und daz der obgeschriben hanndel also hin fur Stêt und unverchert beleib daruber so gib ich obgenanter Pernhart von Streytwesen dem obgeschribenn Edeln herren meinem lieben vetteren hern Gorigen dem Stuchssen den offen gegenwurtigen brief versigelten mit meinem anhangunden Insigel. Dartzue so hab ich vleizleich gepeten die erbern zwen Wilhalm den Frawn-dorffer, die zeyt burgraf ze Mollmberch und Hannsen den Hewperîger, daz sew der obgeschribenn sach getzewgen sind mit iren anhangunden Insigeln In und iren erben an schaden. Der prief ist geben ze Trawtmanstorf nach Christi gepuerd viertzehenhundert jar darnach in dem Achttenden jar an dem heiligen Pluemostertag.

Source Fulltext: Peter Peusquens