Ich Hanns Hoelltzel ze Eysdorff mein hausfraw und all mein Eriben veriehen und tuen chund offenleich mit dem brief allen den die in sehent oder hoernt lesen daz uns der Edel veste Ritter unser lieber Swager und vetter her Hanns Wurffel ze Radawn sein hausfraw und all ir Eriben ausgericht und bezallt habent zehen phunnt wienner phenning der alten Muennzz so sy uns denn schuldig sind gewesen zw dem chumfftigen sand Michels tag unsern zinss auf dem urfar ze Nusdorff nach unsers brief lautt und Inn halltung der egenanten zehen phunnt wyenner phenning der alten Muenns sagen wir die egenanten unssern vetern und Swager sein hausfrawn und all ir Eriben Quide ledig und lozz mit dem gegenburtigen brief der versigelt ist mit meinem Hannsen dez Holltzleins aufgedruchten Insigel der brief ist geben am Erntag vor Mathey anno domini Millesimo CCCC°Decimo Octavo.

Source Fulltext: Peter Peusquens