Wir Albrecht von gotes gnaden, Hertzog ze Oesterreich, ze Stêyr, ze Kêrnden, und ze Krain, Grave ze Tyrol etc. Embieten unserm lieben getrewn Pilgreimen von Puechaim unserm Land-marschalch in Oesterreich, unser gnad und alles guot. Als der erber unser lieber andêchtiger maister Peter Dekchinger, gen ettleichen leutten, ain Recht vor unser erlangt und behabt hat umb fuemf phunt und fuemftzig phenning gelts,die Sy Im zu hilff ainer ewigen Messe, die man auf unsrer frawn Alter zu sand Stephan ze Wienn spricht, ausrichten und dienen sullen nach lautt unsers Gerichtbriefs und auch des Stifftbriefs darueber gegeben. Emphelhen wir dir ernstleich und wellen, daz du den vorgenanten maister Petern, desselben diensts unvertzogenleich nutz und gewer setzest, und mit denselben leutten schaffest und Si dartzue haltest von unsern wegen, daz Si In umb dieselben guelt furderleichen ausrichten, und Im damit fûrbazzer gewêrttig sein, nach des vorgenanten Gerichtbriefs und Stifftbriefs begreiffung. Daran tuest du unser maynung. Geben ze Wienn, an Sand Larentzentag. Anno etc. CCCCmo Decimo Nono. d(ominus) d(ux) in cons(ilio).

Source Fulltext: Peter Peusquens; siehe auch: • Wretschko, Marschallamt 244 n° 28.