ICH Prueder Fridreich von Tullen dietzeit Prior und wir der gantz Convent gemain des klosters datz den Predigern ze wienn Bekennen fur uns und all unser Nachkomen und tun kund Allen lewten gegenbuertigen und kuenftigen umb die zway phunt gelts Purkrechts die wir und unser gotshaws vor lanngen Jaren gehabt haben auf weilent Michels des Chuenrêwtter haws gelegen am altenfleischmarkcht ze wienn zenegst dem haws das weilent Michels von Ymppendorf seligen gewesen ist und damit derselb Michel Chuenrewtter das benant haws gekaufft hat nach begreif-fung seins kaufbriefs und wann wir ermont sein das dieselb gult von unsern vordern ist abgelost dartzue haben wir uns in allen unsern urbarpuechern briefen und registern aigenleich versucht und haben nichts funden, das uns umb solich gult gefrumen und daran getzaigen moechtt. Darumb sagen wir das egenant haws am Altenfleischmarkcht syder genant des Hofgeber haws gantz quitt ledig und los aller dinst und gult die unserm Gotshaws zugepueren solten untz auf disen hewtigen tag als datum des briefs stet. Mit urkund des briefs besigelten mit unser des obgenanten Prior und des Convents Anhangunden Insigln Geben ze Wienn an Phintztag vor unser frawn tag zu der liechtmezz Nach Kristi gepurd viertzehenhundert und in dem zwaintzigistem Jare.

Source Fulltext: Peter Peusquens