Charter: Hauptarchiv - Urkunden (1177 -1526) 223
Signature: 223
Add bookmark
Edit charter (old editor)
1340 VIII 17, Wien
Otte von Wultzendorf, des Propstes Rudweins perchmaister und amptmann ze Neuenburch, beurkundet, dass vor ihn ze Otakchrinne in rechtem etaiding her Dietreich der Urbetsch, purger ze Wienne, ze gegenburte dem egenanten probest Rudwein und ander erbern leuten, die desselben tages da waren, gekommen sei und wegen 3 lb dn. versessenen gelts ewiges purchrechtes auf einem Weingarten, der da leit ze Otakchrinne, des dreu virtail sint und haisset der Zairekcher, der weiln und e Jacobes, hern Rugers sun, des chropphaten schreiber, gewesen ist, davon man dient alle iar ze rechtem perchrecht dem goteshaus ze Neuenburch achthalb virtail weins und sechsthalben phenninge ze voitrecht, Klage erhoben habe, worauf er des Weingartens gewaltig gemacht worden sei.Source Regest:
Quellen zur Geschichte der Stadt Wien, Bd. II/1, Nr. 223
Quellen zur Geschichte der Stadt Wien, Bd. II/1, Nr. 223
Current repository:
Wiener Stadt- und Landesarchiv
Wiener Stadt- und Landesarchiv
Zwei anhangende Siegel: 1. ungefärbt, sechseckig, 2. roth u. K., rund.Besiegelt von dem Aussteller und
- notes extra sigillum:
- Dorsual: Dietrich urbetzhen ghrichtz brief uber dreu viertl weingartn zu Odackhrin haist der Zeyreckher so vormaln des Jacob Ruegen des Khropheuden schreibers gewesen, datum an phintztag nach unnser frauen schiedungtag 1340 (Donnerstag nach Mariä Himmelfahrt) Indorsat: super vinea chophater schreiber.
Ich Otte von Wultzendorff. zu den zeiten meines herren Probest Ruedweyns perchmaister und amptman ze Newenburch. vergich und tun chunt. allen den die disen brief lesent. oder horent lesen. die nu lebent und her nach chunftig sint. daz fuer mich cham. ze Otakchrinne in rechtem Etayding. der erber man. her Dyetreich der urbetsch. purger ze wienne. ze gegenbuertte. dem egenanten Probest Rudweyn. meinem herren und ander erbern leuten. die des selben tages. da waren. und chlagt hintz ainem weingarten. der da leit ze Otakchrinne des dreu virtayl sint. und haizzet. der zeyrekcher. der weiln. und . e . Jacobes. hern Ruegers sun des Chropphaten schreiber gewesen ist. da von man dient. alle iar. ze rechtem perchrecht. dem Goteshaus ze Newenburch. achthalb virtayl weins und sechsthalben phenninge ze voytrecht. und nicht mer. umb dreu phunt wienner phenninge gelts Ewiges purchrechtes, die jm ayn gantzes jar dar auff versezzen sint. als er von im urchunde. prief und hantfesten. dar uber hat. und chlagt als verre dar auff. daz im ertaylt wart mit vrage und mit urtayl. Er scholde mir mein recht geben. daz hat er getan. und scholde ich in und sein erben. des selben weingarten gewaltig machen. und setzen an die gewer. daz han ich auch getan. als im mit rechte ertaylt wart. fuerbaz ledichlichen und vreylichen ze haben. und allen iren frumen da mit ze schaffen. verchauffen versetzen. und geben. swem seu wellen. als in daz wol chom und fuege. an allen irresal. Und daz die sache also vor mir gewandelt und geschehen sey. in rechtem Etayding. dar uber. so gibe ich dem vorgenanten. hern Dyetrichen dem urbetschen. und seinen erben disen brief ze einem offen urchunde und ze einer gantzen sicherhait. versigelten mit meinem insigel. und mit des erbern mannes insigel hern Chunrats des Herscheftelins. der diser sache gezeuge ist. mit seinem Insigel. Diser prief ist geben. ze wienne. nach Christes gepurt. dreutzehen hundert jar dar nach in dem virtzigisten jar. des naehsten Phintztages. nach unser vrowen Tage. der schiedunge.
Source Fulltext: Peter Peusquens
Original dating clause: ze Wienne, des naehsten phinztages nach Unser Vrowen tage der schiedunge.
Places
- Wien
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}