Ich Bruder Peter Prior des Gotshaus zu den weissen bruedern an der Hertzogen hof ze Wienn und wir der Convent gemain daselbs des ordens von dem perg Carmelo Bekennen fuer uns und unser Nachkomen und tun kund offenleich mit dem brief. Als wir..dem Erbern mann..dem Starken Hainreichen und Elsbethen seiner hausfrawn ain haus gelegen hinder sand Pangrêtzen ze Wienn zenagst Hainreichen des Pluemler haus verkaufft haben Das uns die Erbern weisen her Hanns Scharffenperger zu den zeiten Burgermaister und..der Rat gemain der Stat ze Wienn mit Irm GruntInsigel in kaufsweis gevertigt habent nach lautt des kauffbriefs darum gegeben daz wir uns darumb mit gemainem veraintem Rat unserr Bruderschafft und guetleichem willen unbetwungen-leich zu der zeit da wir es wol getun mochten gen denselben Erbern weisen..dem Burgermaister und..dem Rat der egenanten Stat ze Wienn und Irn Nachkoemen Recht und Redleich verlubt und verbunden haben wissentleichen mit dem brief. In solher beschaiden Ob In von derselben verti-gung wegen icht krieg oder ansprach auferstuenden von wem das wêr mit Recht was Si des schaden nement, das suellen und wellen wir In gêntzleich ablegen und widerkeren an allen Irn schaden und suellen Si das haben auf allem dem gut daz zu dem egenanten unserm Gotshaus gehoeret. Und des zu ainem warn uerkund geben wir In des brief besigelten mit mein egenanten Bruder Petern Priorn und des Conventes gemain anhangunden Insigeln Geben ze Wienn an Mitichen vor sand Bartholomees tag Nach Kristi gepurd viertzehenhundert jar darnach in dem fuenfundzwaintzigistem jare.

Source Fulltext: Peter Peusquens