Den Erbern weisen..dem Burgermaister..dem Richter und dem Rate der Stat zu Wienn Embiete ich Angnes Mertten des Ranynger hausfraw mein willig diennst Als derselb mein wirt Mertt Ranynger sein haws gelegen am Kolmarkt zu Wienn, das mein gemêcht von im ist, verkauft hat, Hannsen dem Schermegger Burger zu Wienn Also bitt ich ewr weishait mit allem fleiss Ir wellt den egenanten Schermegger, denselben kauf, bestêtten und vertigen, nach ewr stat und gewonhait Rechten, das wil ich gern umb ew verdienn Wann derselb kauf mit meinem guetlichen willen beschehen ist und den mitsampt dem egenanten meinem wirt stêthalten wil getrewlich unge-verlich Mit urkunt ditz brieves besiglt mit der erbern weisen Wolfharts des Ernsts und Ulrichs des Staynberger baider aufgedruchter Insigl, die das durch meiner pet willen auf den brief gedrukt haben In und Irn erben an schaden, darunder Ich mich verpinnde stêtzehalten das vor von mir geschriben stet. Geben zu Ybs an Suntag nach sant Ulrichs tag Anno etc vigesimo sexto.

Source Fulltext: Peter Peusquens