Wir Albrecht von gotes gnaden Hertzog ze Österreich, ze Steir, ze Kêrnden, und ze Krain, Markgraf ze Mêrhern, und Graf zu Tirol etc. Bekennen. Als die erber Margreth, unsers getrewn Ulreichen des Schroten unsers kuchenmaisters und Buergêrs zu Wienn hawsfraw, demselben irm Mann, durch solicher lieb trew und freuntschaft willen, so Si zu Im hat, ain Geschêfte getan, und Im alles guot, erb und varund guot, daz si jetz hat oder fuerbazzer gewinnet, geschaffet und gegeben hat. Daz wir durch desselben unsers kuchenmaisters fleissiger gebet willen, unser gunst und willen, dartzu gegeben, und das bestêtt haben, wissentleich mit dem brief, was wir zu recht daran bestêtten sullen oder muegen. In solicher mass, ob dieselb Margreth, ee, wenn der ob-genante unser kuchenmaister, Ir man, mit dem tod abgienge, daz dann alles vorgemelts erbguot und varund guot, demselben unserm kuchenmaister und seinen erben ledicleich beleiben, und an irrung und hindernuess, auf Si gevallen sol, inntzehaben, ze nuetzen und ze niessen, als Geschêfts der Stat ze Wienn, und lands recht ist. Doch uns und unsern erben unvergriffenleich an der lehenschaft solicher Gueter, die von uns (zu) lehen ruerent, ungeverleich. Mit urkund des briefs. Geben zu Wienn an phintztag nach Sant Veits tag Nach Kristi gepurde viertzehenhundert jar, darnach in dem achtundzwaintzigisten jare.

Source Fulltext: Peter Peusquens