Ich Brueder Lienhart zu den zeiten Prior zu aller Heiligental zu Maurbach des ordens von Karthus und wir der Convent gemain daselbs veriehen fuer uns und all unser Nachkomen und tuen kund allen den, die den brief lesent oder horent lesen, die nu lebent und hernach kunftig sind, daz wir mit guotem willen mit wolbedachtem muet und mit gemainem verainten Rat zu der zeit da wir es wolgetuen mochten, und mit hannden der erbern weisen hern Niclasen undermhimel zu den zeiten Burgermaister und Munssmaister und des Rats gemain der Stat ze Wienn Recht und redleich verkaufft und zekauffen geben haben unsern grossen gewantkeller gelegen under den gewelbten lauben an dem Hohenmarkcht under dem Schuchhaus ze Wienn niden an dem Ort gegen dem Vischmarkt ueber mit allen den nuetzen und rechten, als wir den unversprochenleich von alter in purkchrechts gewer herbracht haben, umb hundert und zwaintzig ungerisch gulden, der wir gantz verricht und gewert sein Dem erbern weisen Hannsen dem Scheibelwiser, dietzeit des Rats und Spitalmaister der Burger Spital vor Kernertor ze Wienn und seinen Nachkomen Spitalmaistern des egenanten Spitals, der denselben Gewantkeller zu hannden des obgenanten Spitals gekaufft hat, furbaser ledichleichen und freyleichen zehaben, und dasselb Spital allen seinen frumen damit zeschaffen, als mit andern guelten und guetern so zu demselben Spital gehoret, und zu pesser sicherhait, so setz Ich mich obgenanter bruder Lienhart prior zu Maurbach und wir der Convent daselbs mitsambt unsern Nachkomen unverschaidenleich dem eberurten Hannsen dem Scheibel-wiser und allen seinen nachkomen Spitalmaistern zu hannden des egenanten Spitals uber den offtgenanten Gewantkeller zu rechtem gewern und scherm fur alle ansprach als purkchrechts und der Stat ze Wienn recht ist. Wêr aber daz In icht krieg oder ansprach daran auferstuenden von wem das wêr mit recht, oder ob In mit recht daran icht abgieng was Si und das egemelt Spital des schaden nement das sullen wir In widerkeren und sullen Si das haben zu uns und unsern Nach-komen und auf allem dem guet so zu dem vorgenanten Gotshaus gehoeret Und daz der kauff also stet und untzebrochen beleib Daruber zu ainem warn urkund so geben wir In den brief besigelten mit unserm anhangundem Insigel und mit der vorgenanten Stat ze Wienn anhangundem Grunt-Insigel. Geben ze Wienn an Sambstag vor sand Larentzen tag Nach Kristi gepurd viertzehen-hundert Jar Darnach in dem Achtundzwaintzigistem Jare.

Source Fulltext: Peter Peusquens