ERbern und weisen, unsern frewntleichen dienst zevor. Uns hat fuerbracht, die Ersam geistleich Swester Elsbeth Rebstokchinn, Priorinn hie zu sand Peter in der Sperre, wie Sie ettwas soon, desselben Irs klosters notdurfft wegen, vor ewr ze handeln habe, als Si ew wol fuerbringen, und ertzeln wirdet. Bitten wir ew mit allem fleisse, Ir wellet derselben Swester Elsbethen, in den-selben Irn sachen umb unsern willen hilffleichen und fuerderleichen sein, wes Si recht habe, daz Ir, das fuerderleichen volge und widervare. Das wellen wir umb ew und die ewrn, alltzeit gern verdienen. Geben zu der Newnstat, an Samstag, vor sand Uelreichs tag. Anno etc. Quadringen-tesimo vicesimo nono. Burgermaister, Richter, und Rate, zu der Newnstate.

Source Fulltext: Peter Peusquens