Sigmund von gotes gnaden Romischer kunig zuallentzeiten Merer des Richs und zu Hungern zu Beheim etc. kunig. Hochgeborner lieber sun und furste. Als uns dein lieb yetzund, umb Meister Jacob geschriben hat, dir den zuschicken etc. also sol dein lieb wissen, daz wir uns deiner begerung altzeit gerne neigen wollen, wann was in unserer gewalt ist, das sol dir unversagt sein, und so dein lieb ytzund herab zu uns komt, als wir dir dann geschriben haben. So wollen wir derselben deiner lieb den vorgenanten Meister Jacoben wol widerfaren lassen, daz du In mit dir hinauf furen magst. Geben zu Schintaw am XIII. tag des Meyen, unserr Rich des Hungrischen etc. in dem XLIIII., des Romischen in dem XX. und des Behemischen im tzehenden Jaren. Ad mandatum d. Regis Caspar Sligk.

Source Fulltext: Peter Peusquens