Ich maister Hanns Zingk dye zeit pharrer zu Hofstetten vergich offentleych mit dem phrieff daz ich meiner Muemen Elyzabeth der pewgerin erlawbt hab ze verchawffen ir haws gelegen vor schottentoer daz mir stet zwelyff phuent phening als es pegriffen und verschriben ist in der stat gruentpuech ze wyenn also beschaydenleych daz mir der, der das haus von ir chawfft hat auch verschriben wert in dem egenanten gruo(n)tpuech fuer dye zwelyff phuent phennig daz er mir dye pezallen well und schuellig sey zebetzallen an mein schaeden auf den nachst chue(n)fftigen sand Merttentag daz ist gentzleych mein wil und des zue urchuent gyb ich ir den brieff versygel-ten mit meinem auff gedrukchten Insygil Der geben ist ze Hofstetten am freyttag nach sant Nicklastag Anno etc. XXXII°

Source Fulltext: Peter Peusquens