Elizabeth von Ungarn von gotes gnaden Hertzogin zu Oestereich, und Markgrêfin zu Mêrhêrn etc. Erbern weisen und lieben getrewn. Uns hat der Erber priester Ulreich der Jung, etwenn kor-maister zu sant Stephan ze Wienn fuerbracht, wie Ir Im ain haws daselbs zu Wienn gelegen habt abgesagt, daz er doch nu im dritten iar zu seiner gotzgaben ainer inngehabt und besessen, und sich auch etwas merkleich darauf verbaut habe. Begern wir an ew und bitten mit sunderm fleiss, daz Ir In durch unsern willen bey demselben haws lasset beleiben, als verr Ir das muegleich und billeich getuen mueget. Daran ertzaiget Ir uns ain sunder wolgevallen. Geben zu Klosternewnburg an freitag nach sant Annen tag. Anno etc. XXX VI°. per Joh(annem) de P(uechaim), m(agistrum) cur(ie), et Os. hub.

Source Fulltext: Peter Peusquens