Wir Hanns der Steger zu den zeiten Burgermaister und Kellermaister und der Rat gemain der Stat ze Wienn. Bekennen daz wir die ewig mess, so weilent Hainreich der Huetstokch unser mitburger seliger, auf sand Kathrein Altar in Allerheiligen Tumbkirchen, datz sand Stephan ze Wienn zestiften geschafft hat, der wir Recht lehenherren sein, und die uns mit abgang hern Jorgen, des Risen ledig ist worden, Recht und redleich verlihen haben, und leihen auch wissent-leich mit kraft ditz briefs, dem erbern herren hern Hannsen von Hailprunn, diezeit Achter, in der egenanten sand Stephans kirchen. Also daz er die gueter und guelt, so zu derselben mess gehorent, pewleich Innhaben, nuetzen und niessen, und die vorgenant ewig mess auf dem egenanten Altar ausrichten und sprechen sol, als das des egenanten Huestokchs seligen geschêfft, in unserm Statpuech geschriben ausweiset. Mit urkund des briefs besigilt mit unserm klainen Anhangundem Insigil. Geben zu Wienn an Sambstag nach sand Matheus tag Nach Cristi gepurd vierzehen hundert Jar, darnach in dem Sechsunddreissigistem Jare.

Source Fulltext: Peter Peusquens