Albrecht von gotes gnaden Roemischer Kuenig, zu allen zeiten merer des Reichs ze Ungern, ze Behem, Dalmacien, Croacien etc. Kuenig, Hertzog ze Oesterreich. Erbern weisen, und lieben getrewn. Wir haben vernomen, wie Ir,..der Burgermaister, von dem Burgermaisterambt und der Richter, von dem Gerichtt, und auch von dem Rat auferstanden seyt, als dann Sit, und gewonhait ist. Nu muegt Ir selber wol versteen, daz wir yetz, mit merkleichen sachen bekumert sein, dadurch wir ew unser maynung in den sachen nicht haben verkundet. Emphelhen wir ew, und wellen ernstleich, daz Ir dieselben Ambt, noch auf ain zeit verweset, So wellen wir ew selber, oder durch unser Pet in kuertz unser maynung verkuenden, wie Ir ew in den sachen halten suellet. Daran tuet Ir unser maynung. Geben ze Bressla, an Mitichen, nach der heiligen dreyer kuenig tag. Anno etc. tricesimo nono, unserr Reiche, des Ungrischen etc. im andern, des Roemischen, und des Behemischen, im ersten jar, under unserm Secret. com(missi)o d(omini) r(egis), m(agistro) h(u)b(arum) ref(erente).

Source Fulltext: Peter Peusquens