Elisabet von gots gnaden kuenigin ze Hungern Dalmacien Croacien etc. Erbern weisen und getrewn Lieben. Der edel unser lieber getrewerr Mattko von Tallowcz unser Wan ze Dalmacien Croacien und in Windischen Lannden, uns yetz verschriben hat wie solich sein gut, so er hewr zu seiner hochtzeit, von welhischen Lannden geschikt hiet, des Grafen von Modrusch und Segnitz, diener under wegen, genomen, und gen wienn geschikt hietn, ze verkauffen, und bat uns ew zu schreiben, dasselb gut zu recht in ewr aufhaltung zenemen, Emphelhen wir ew ernstleich, wa ew der gegenbr...g des egenanten Mattko diener, weiser des briefs bey ew ze Wienn aus, das egenant guet und des hingeber, kome und zaig daz Ir dieselben gut und hingeber des egenanten von Modrusch diener, zu Recht aushaltten und des egenanten Mattko diener, Recht sunderleich zu In widerstan lasset, daran erzaigt Ir uns sunder wolgevallen. Geben zu Ofen an pfintztag vor dem Suntag Reminiscere in der Vasten Anno domini etc. Tricesimo Nono.

Source Fulltext: Peter Peusquens