1/ Wir Albrecht von gots gnaden Hertzog ze Oesterreich ze Steir, ze Kerndten und ze Krain, Grafe ze Tirol etc. Embieten den erbern weisen, unsern lieben getrewn .. dem Burgermaister, Richter Rat Hausgenossen, und den genanten, unserr Stat ze Wienn unser gnad und alles gut. Als wir ew nachst geschriben, auch antwurt darauf widerumb von ew begeret, und ew, als vormaln ewer ayde gluebde ern und trewn, so Ir, dem durleuchtigen fuersten, unserm lieben vettern kuenig lasla, hertzogen ze Oesterreich etc. ewerm rechten erblichen und naturlichen herren, als weilnt kunig Albrechts, hertzogen ze Oesterreich etc. loblicher gedechtnuss unsers lieben herrn und vettern sun, schuldig und phlichtig seit, ermonet haben, darumb uns aber noch kain antwurt von ew ist worden dann daz uns der Allerdurleuchtigist fuerst, her Fridreich Roemischer kunig unser bruder, von ewern wegen hat geschriben, dem wir widerumb haben geantwurtt, als ir an der besigelten abschrift, die wir ew hiemit senden, wol vernemet. Und wan wir aber bey solhen hanndlungen, die sich datzwischen ..... bey ew verlauffen, merkchen, daz vileicht solh unser schreiben etwas verhalten und nicht volkomenlich geoeffent ist worden, das uns vast fromd bedunkt und die lenng nicht verporgen beleibet, und newr grosser Irrung aus solhem aufersteen mag. Wan mëniklich dabei wol versteet, ob der benant unser bruder und wir verainet sein, als man dann furbringet, und daz doch unsernthalben kainen abgang hat gehabt, dadurch wir auch unserr gerechtikait nicht ligen mainen zelassen, Also begern wir aber an ew mit ernste, daz Ir uns noch, auf solich unser schreiben und ermonen, ew allen getan, ain furderliche antwurtt tuet, Beschehe des aber nicht, so werden wir dennoch weg gedenkchen, damit des obberuerten unsers lieben vettern kunig Lasla ewrs erblichen, rechten, natuerlichen herren und unser, als seines Rechten Gerhaben und verweser gerechtikait und sachen geoeffent und nicht undergedrukcht, sunder nach notdurfften furhannde genomen werden. Geben zum Vorchtenstain an des Heiligen Kreutzs tag Invencionis. Anno domini etc. Quadragesimo. d. d. in consilio. presentata est ista litera per dominum Georium Stettner in die Ascensionis domini Anno ut supra. 3/ Wir Albrecht von gots gnaden, Hertzog ze Österreich, ze Steir, ze Kerndten, und ze Krain Grafe ze Tirol etc. Embieten den Erbern weisen, unsern lieben getrewn, dem Burgermaister Richter Rat Hausgenossen und den genanten unserr Stat ze wienn unser gnad, und alles guet. Als wir ew nachst geschriben, auch antwurtt darauf widerumb von ew begeret, und ew als vormaln ewer ayde, gluebde, ern und trewn so Ir dem durleuchtigen fuersten unserm lieben vettern kunig Lasla, hertzogen ze Oesterreich etc, ewerm rechten Erblichen und naturlichen Herren als weilnt kunig Albrechts Hertzogen ze Oesterreich etc. loblicher gedechtnuss, unsers lieben herrn und vettern, Sun schuldig und phlichtig seyt, ermonet haben, darumb uns aber noch kain antwurtt von ew, ist worden, dann daz uns der Allerdurleuchtigist fuerst her Fridreich Romischer kunig, unser bruder von ewern wegen hat geschriben, dem wir widerumb haben geantwurtt, als Ir an der besigelten abschrift, die wir ew hiemit sennden, wol vernemet. Und wan wir aber bey solhen hanndlungen, die sich datzwischen bey ew verlauffen, merkhen, daz villeicht solh unser schreiben ettwas verhalten und nicht volkomenlich geoeffent ist worden, das uns vast froemd bedunkcht, und die leng nicht verporgen beleibet, und newr grosser Irrung aus solhem aufersteen mag Wan mëniklich dabey wol versteet, ob der benant unser brueder, und wir verainet sein, als man dann fuerbringt, und daz doch unsernthalben, kainen abgang hat gehabt, dadurch wir auch unserr gerechtikait nicht ligen mainen zelassen, Also begern wir aber, an ew mit ernste, daz Ir uns noch auf solich unser schreiben, und ermonen ew allen getan, ain fuerderleiche antwurtt tuot, Beschehe des aber nicht, so werden wir dennoch weg gedenkchen, damit des obberuerten unsers lieben vettern kunig Lasla, ewrs Erblichen, rechten, natuerlichen herren, und unser als seines rechten Gerhaben und verweser, gerechtikait und sachen, geoeffent, und nicht undergedrukcht, sunder nach notduerften fuerhannde genomen werden. Geben zum Vorchtenstain, an des Heiligen Kreutzs tag Invencionis. Anno dni. etc. Quadragesimo. d. d. in consilio.

Source Fulltext: Peter Peusquens u. • Birk in den Quellen und Forschungen zur vaterländischen Geschichte 241 n° 6