Ich Jacob Micheln des Spiegler seligen Sun Bekenn daz mir die erbern weisen Dietreich Starhant, dietzeit des Rats der Stat ze Wienn, und Michel Lienvelder burger daselbs, baid verweser der Stat gruntpueher, ausgericht und von demselben Gruntpuch gegeben habent, virtzehen phund pfening, die mir zugehorent, und auf Petern des Spiegler haus, bey der Himelporten gehabt hab, und mir zu dem egenanten Gruntpuoch gelegt worden sind. Davon sag Ich fur mich und mein erben, die vorgenanten verweser, des Gruntpuchs, und Ir nachkomen, der vorgenanten virtzehen phunt phening, quit ledig und los, vor aller ansprach und vodrung ungeverlich Mit urchunt des briefs, besigelt mit der erbern weisen, Kunrats des Oettinger dietzeit des Rats der Stat zu Wienn, und Hannsen des Viregk, burger daselbs aufgedrukten Insiglen, die Ich zugetzeugnusz der sach mit fleiss darumb gepeten hab In und iren erben an schaden, darunder ich mich mit meinen trewn verpind alles das stetzuhalten das vorgeschriben stet. Geben zu Wienn an Freytag vor sand Lucein tag, Anno domini etc. quadragesimo.

Source Fulltext: Peter Peusquens