Ich Hanns Wellser burger zu Wienn Bekenn offenlich mit dem brief, daz mir der erber Michel Stadel burger daselbs fuer all mein zuspruech so ich zu Im von ains widerkaufs wegen des wein-gartens gelegen an der Hohenwart gehabt hab, ausgericht und betzalt hat, Achtzehenthalb ungrischer guldein, die mir von Im darumb durch frumen erber leut, dabey wir baiderseit sein beliben, gesprochen und getaidingt sind worden. So hab ich Im den kuntschaftbrief so ich darumb gehabt hab also zerissen uebergeben, als auch beredt und taidingt ist worden. Davon sag ich fuer mich und all mein erben den egenanten Stadel und sein erben, umb die vorgenanten Achtzehent-halb ungrischer guldein, und auch umb all ander sachen, wie sich die von aller vergangner zeit untz auf heutigen tag datum des briefs geben und verlauffen habend, gantz quitt ledig und los vor aller ansprach und vordrung ungevêrlich. Mit urchund des briefs besiglten mit der erbern, Hannsen des Sorger, und Hannsen des Ravenspurger baider burger zu Wienn aufgedrukten Insigln, die ich zugetzeugnuess der sach mit vleiss darumb gepeten hab In und Iren erben an schaden. Darunder ich mich mit meinen trewn verpind stêtzuhalten so vorgeschriben stet. Geben zu Wienn an sant Marie Magdalen Abennd Nach cristi gepurd virtzehenhundert und in dem Ainsundvirtigisten jare.

Source Fulltext: Peter Peusquens