Unser willigen unt fruenthlach dinst czwwor. wyer losen ewch wyssen als wyer dan menycher moel zw dem allerdurchleychsten kunig fridreych Romoinyschen etc. In seyn hoeff zw seyn genoden koemen seyn und haben seyn genoden an geruefft und gebeten daz hêr uns unser haws Belensten von herren rudigern won Stornberg vider schwff das der selbe won Storberg wider uns wider Recht yn hat des vyer uns auch wor mol gegen ewch erclat und werschriben haben, und wns daruem ken genngen vider mit Recht noch unrecht nyvidergenen hoer mugen dys wyer groesz merkleych schaden enthfaggen haben. Darume so byt wyer euch er wellet noch dem won storumberge underweysen, das er wns unser haws von Beylensteyn wider gebe. dorczw er gegen wns kayn gerechtikeyt hoet In unserem benanten haws. Thet er aber dys nicht moecht yer vol wersteen das uns durch dem won storenberg onguthleych geschyt und wyer doch und unser vorvordren dem lant Osterreych alzeyt gern gedinet haben und oem soliche merkleych schaden gedenken mussen das wyer doch nicht gern theten. do mit wyer ye wnsers haws bekomen muchten und bytten ewch er vellet uns ewch enthfolhen losen seyn do mit wyer tzw unserem haws beylensten komen mugen das wel wyer allezeyt oem ewch fronthleych woerdin Ewer werscriben anthwort loet uns wissen beyden gegenwortigen boten Gegeben zw Bozin an sen Matheus obynt des heylig Czlewpoten und Ewagelisten Anno etc. XLI° Joerg und Emrich Groffen zw sant Jorgen und zw Bozin.

Source Fulltext: Peter Peusquens