Elizabeth von gots gnaden, kuniginn zu Ungern, Dalmacien, Croacien etc. Erbling zu Behem, Hertzoginn zu Osterreich zu Steyr und Marggrafinn zu Merhern etc. Sunderlieben getrewen. Als wir euch vor geschriben und gepetten haben, daz Ir uns pulver und pfeil, auff zwaihundert gulden, bestellen und die darleichen, und das uns herab schicken woltet. Also begern wir das noch an euch, und pitten mit gantzem fleis, Ir wellet uns yetz an dem nicht lassen, und solich pulver und pfeil schicken. So geloben wir euch, daz wir dasselb gelt gar kurtz-lich fruntlich ausrichten wellen, daran thuet Ir uns ain grosz furdrung und sunder wolgevallen. Geben zu Prespurg am pfintztag nach Lucie. Anno etc. Quadragesimo primo.

Source Fulltext: Peter Peusquens; siehe auch: Schlager, Wiener Skizzen, N. F. 3, 505