Ersam fuersichtig und weis guenstigen lieben freunde, unnser freuntlich willig dienst, sein eurer ersamkeit voran bereitt. Eur schreiben so ir uns yetz von her Hannsen Steger eurs Burgermeister, und soelicher schulde, so im Peter Galsperger, unser Ratgnosz und pfleger zum heiligen geist, sein sol, geschriben habt, haben wie vernomen, und in daz hoern lassen, der hat uns darauf geantt-wurtt, das wir an derselben seiner anttwurtt, nicht annders versteen kuennen, dann das er die sachen redlichen gehanndelt habe. Er schreibt auch dieselb sein anttwurtt, unserm Burgermeister und Ratgnossen, so wir inden haben, hiemit, und bitt Sy, daz Sy die her Hannsen dem Steger von sein wegen, geben sullen, die villeicht auch wol an ew gelanngen wirdett. Bitten wir eur ersam-keit mit sunderm vleisse, euern Burgermeister daran zu weisen, daz er soelich erpieten von unserm Ratgnossen dem Galsperger aufnem. Daz wellen wir mit allem willen umb ew und dy euern verdien. Geben an Gottesleichnam tag. Anno etc. XLIII°. Richter und Rate der Stat ze Passau

Source Fulltext: Peter Peusquens