Strenniger Ritter Ersamer und hochweiser herre, sunderlieber gunner unsern willigen und zeallertzeit bereyten dinste bevor. Als denn der erbern frawen Barbaren Glatzerin seligen Geschefft das sie zebus (zevur) gemacht und getan hat In kegenwurtikait erber leut desselbigen Geschefts der Erber weise Jacob Czwifaler unser lieber Aydgenosse ist ein furmunde, an euch gelangen hat vernemen wir wie sich Ire khinder bey Son darumbe nicht geaynet haben und etwas stossig dadurch sind miteinander Biten wir ewr gnade mit fleysse Ir wellet euch umb unsern willen und auch des benanten furmundes muehen ertzaigen, darzu helffen und raten das sich dieselben Bruder nacher darumbe aynen und fruntleichen richten, das wer unser begir und des benanten erbern mannes des furmundes guter willen, des sey wir willig umb ewr gnade und die ewern zuverdienen. Geben am Mantag vor sant Bartholomeus tage Anno etc. XLIII° Burgermeister und der Rate der Stat Igla

Source Fulltext: Peter Peusquens