Erbern weisen herren, besunderlieben gunner und frunde Unsern frundlichen dinste zevor. Ewer Erberkeit thuen wir zu wissen, das die fraw Bandala, des herren Cristoffs von Wolffzaw weyb, under einem gleitt zu uns khumen ist, und hat uns vermeldet wie sy ytzudem allerdurchleuch-tigsten Romischen etc. kunig unserm gnedigen herren zuspruech, und darumb mit dem landt zu Osterreich zu schaffen hab, darumb sy Recht, und gerechtikeit gern, in gelimphen auffnemen wolt, lieber dann sie ichts anfengen, oder tuen solt, und darumb, das wir alleweg, dem landt zu Osterreich und ewerr Erbarkeit, gefallen, und in aller beheglichkeit gern dienen wolden, So schreiben wir, und pringen das an ewer weisheit, das Ir euch dornach mecht gerichten, und fur das peste gedenken. Auch begert sy bey uns zu wonen, darzue wir, an ewern willen, nicht verhengen wolden, Sunder uns in den sachen, ewer wol gefallen und meynung ist, das wellet uns lassen widerumb verschriben wissen. Geben an Sambstag sand Bartholomei tage, des heiligen Cwelffboten Gotes Anno etc. XLIII°. Burgermaister und der Rate der Stat Brünn

Source Fulltext: Peter Peusquens