Fridreich von gotes gnaden Roemischer kuenig zu allen zeiten merer des Reichs Hertzog ze Osterreich ze Steir etc. Erbern weisen, und lieben getrewn. Als unser getrewr Andre Schoenprucker, unser diener, genaigt, und willig wer, sich mit weilent .. des Lienvelder tochter-lein, das ir Innhabt zu der heiligen Ee, zu verphlichtten. Nu ist derselb unser diener, erber, und frum, und hat sich in unsern diensten fleissicleich, und trewleich gehalten, darumb wir Im sunder genaigt sein, und mainen, daz Sy mit Im wol versorgt wurd, davon begern wir an ew und bitten mit sunderm fleiss, daz ir darob seit, und bestellet, damit Im solich heyrat widergee, wan ob es zu schulden kumt, so wellen wir Si baide, gnedicleich halten daran tuet ir uns, ain sunder guet gevallen. Geben zu der Newnstat, an Montag, nach sant Bertlmestag Anno etc. XLIII, unsers Reichs im vierden jar. commissio propria domini Regis.

Source Fulltext: Peter Peusquens