Fridreich von gots gnaden Roemischer kuenig zuallenzeiten Merer des Reichs Hertzog zu Oesterreich und zu Steyr etc. Erbern weisen und lieben getrewn. Als wir unsern getrewn, Hannsen Scharffenberger, ewrn mitburger zu Wyenn, zu unserm Anwalt in unserr Muensz daselbs zu wyenn aufgenomen haben, Ist uns angelanngt, wie Ir In darumb von dem Schatzstewrampt, daran er ettwelannge tzeit von ewrn wegen gesessen ist, unverschulter sachen zu entsetzen mainet. Also begern wir an ew mit sunderm vleiss und ernst, daz Ir denselben unsern Anwalt noch hinfuer untz auf unser kunfft hinueber gen Wyenn, an dem obgemelten Schatzstewr Ambt sitzen lasset und In dieweil nicht verkeret. Daran tuet Ir uns ain sunder guot gevallen, und unser maynung. Geben zu der Newnstat, an Eritag nach sannd Gilgen tag. Anno domini etc. Quadra-gesimo tercio . Unsers Reichs im vierden Jare. Commissio propria domini Regis.

Source Fulltext: Peter Peusquens; siehe auch: Jahrbuch der kais. Kunstsamml. 17b, n° 15195.