Von gotes genaden Albrecht pfallntzgraf bei Rein Hertzog in Bairn und Grave zu Voburg etc. Unsern gunstlichen grus bevor fursichtig und weis uns sunder lieb Es kombt zu ew Hanns Schambacher von Toltz von ettlichs erbs und guts wegen so ewr mitburger zu Wyenn Hanns Vinsterwalder saliger hinder sein verlassen hat darzu er nagster erb vermaint ze sein. Bitten wir ew mit sunderm vleyss Ir wellet ew den benanten Schambacher der der unser ist umb unsern willen in den sachen gutlich lassen bevolhen sein so verr er recht hab daran erzaigt Ir uns besunder wolgefallen das wir gen ew und den ewrn gnedigclich erkennen wellen wo sich das geburet. Geben zu Munchen an Montag nach sand Franciscen tag confessoris Anno domini etc. XLIII°.

Source Fulltext: Peter Peusquens