Fridreich von gotes gnaden Romischer kunig zuallenzeiten Merer des Reichs Hertzog ze Oster-reich und ze Steir etc. Erbern weisen und getrewen lieben, Wir emphelhen ew begern und bitten gar ernstleich, daz Ir acht aus ew, mit voelligem gewalt, auf sant Niclas tag schirstkuenftigen, bei unsern lantleuten unsers furstentums Oesterreich ze Wienn habt, die wir auf denselben tag auch dahin ze komen gevordert haben, So wellen wir auch darczuo komen, oder ob daz ye nicht moecht gesein, unser treflich Ret schikhen solh irrung krieg und nottuorfft, So sich untz her im lannd begeben habent, und tegleich begebent, nach dem nutzsten und besten furhannd ze nemen, damit die gewenndet und in ainen pessern stannd gebracht werden, Davon lasset ew des nichts sawmen noch irren als wir des sunder getrawn zu ew haben, das wellen wir mit sundern gnaden gegen ew erkennen. Geben an Eritag vor Allerheiligen tag. Anno etc. XLIII°. Unsers Reichs im virden Jare. com(missi)o domini R(egis) in consilio.

Source Fulltext: Peter Peusquens; siehe auch: Kollar, Analecta 2, 1130 n° 85