Ich pruder Hainreich ze den zeiten Gardian der Minnepruder ze Wienne, und alle pruder des selben Convents. wir veriehen und tun chunt an disem prief, daz wir durch di lieb und trewe di der Erber man her Dietreich der Urbetsch ze uns gehabt hat und durch der guetter wiln di wir von im und von seinen vordern enphangen haben, im verhaizzen und gelobt haben ze begen ainen ewigen jar tag, mit selmesse und mit Vigili des nechsten Montages nach sant Georigen tag. Daz ditz gelubd und di vor gehaizung stet und unzebrochen beleib. dar uber so gebe wir disen prief. versigelten, mit unsers Convents Insigel. Der prief auch gegeben ist. Do von Christ geburd ergangen worden Dreutzehen hundert jar. und acht und viertzich jar. an sant Luceyn tag der magt.

Source Fulltext: Peter Peusquens