Wir Albrecht von Gotes gnaden, Hertzog ze Oesterreich, ze Steyr, und ze Kernden. Tun chunt, daz wir unsern getrewen lieben . . dem purgermaister, und unsern purgern ze Wienn, erlaubt haben, einen ungelt, aufzesetzen, und ze legen, auf wein, und auf getrayd, nach des Rates, rat ze Wien, als beschaidenlich ist, von disem heutigen tag, als der brief geben ist, untz auf die nachsten weichnachten . also, swaz von demselben ungelt, dieselb zeit, gevalt, daz man, da mit, unser Stat ze Wienn, pezzern sol. Mit uerchund ditz briefs Geben ze Wienn, an Mitichen, voer sand Johans tag ze Sunnwenden. Nach Christes gebuerd dreuzehen hundert jar, darnach in dem ains, und funftzkisten jar. // Flusthart, purgermaister //

Source Fulltext: Peter Peusquens u. Tomaschek, Rechte und Freiheiten I, 127 no 46.