Nos Margareta de Cebingen, tenore huius scripti ferre volumus universos, tam posteros quam presentes, quod ius, et iurisdictionem, quam Sifridus cognomine Zeliubus, miles wiennensis, in domo propria et area, sita iuxta Monasterium Scotorum in Wienna, a precessoribus meis, et a nobis racionabiliter hactenus possidebat, favora-biliter recognoscentes eidem, et domine Chunegundi uxori eius ipsam domum cum area adtinente nunc denuo in presencia honestorum, quorum nomina sunt subscripta, per manus nostras porreximus iure utique Emphiteotico, quod Purchreht vulgariter nuncupatur, ad censum duodecim denariorum wiennensis, nobis et successoribus nostris, in festo sancti Michahelis annis singulis solvendorum. Itaque concessimus uterque liberam facultatem, eandem domum et aream, obligandi, vendendi, delegandi, distrahendi et eciam conferendi cuicumque voluerint, salvo tamen nobis iure nostro in posterum permanente, quemadmodum est praemissum. Ut igitur hec nostra collacio, eis facta et iurisdicio eorundem, manere debeat in perpetuum inconvulsa, et ut in posterum firmitudinis maius capiat incrementum. Presentem paginam sigilli nostri et nobilium de Austria, et specialiter Civitatis Wiennensis, sigillorum karacteribus communitam eis curavi-mus exhibere, nominibus testium subnotatis. Qui sunt Heinricus, pincerna de Habespach, et Ulricus, frater eius; Hadmarus de Schonenberch. Chunradus de Eberstorf. Otto de Haselowe. Hadmarus de Lichtenwerde. Heinricus de Merswanch. Otto de Perhtstolsdorf, camerarius. Wernhardus de Ruscpach, ministeriales. Item Ramungus de Lengenvelde. Albero de Leizze. Item Chunradus de Grifenstein. Bertholdus, camerarius. Otto, judex Wiennensis. Chunradus Chremserius; Siboto, institor. Leupoldus Pilhintdorferius. Chueno, magister monete. Ulricus, voersprech, et Rudgerus, frater eius. Paltramus Vatzo. Sidlo an dem Ecke. Alii quam plures. Factum et Datum Wienne, anno domini M° CC° LV, XII° kal. Marcii, XIIIma Indictione.

Source Fulltext: Peter Peusquens