Omnibus Christi fidelibus presentes litteras inspecturis, Johannes dei gratia Episcopus Ecclesie Brixinensis salutem in omnium salvatore. Cupientes Christi fideles quibusdam muneribus illectivis indulgentiis, scilicet et remissionibus peccatorum ad pietatis et devotionis opera invitare, ut exinde reddantur divine gracie aptiores omnibus vere peni-tentibus et confessis, qui Cappellam in honore gloriosissime virginis Marie per discretos viros, H. et O. fratres milites de Winna ibidem constructam in quatuor festivitatibus domini, videlicet Nati-vitatis, Resurrectionis, Ascensionis et Penthecosten, in quatuor festivitatibus sancte Marie virginis, in Natalitiis Apostolorum, in festo Omnium Sanctorum, in Epiphania domini, in festivitatibus beate Marie Magda-lene, beate Katherine virginis, beati Nycolai confessoris, ac Sancto-rum Martirum Johannis et Pauli, in festo beati Marci ewangeliste, in festis dedicationis ac patronorum dicte Cappelle, ac per Octavas earundem causa devotionis accesserint annuatim, aut elemosinas suas eidem Cappelle fuerint elargiti, quadraginta dies et unum annum de iniuncta sibi penitencia misericorditer in domino relaxamus, dum-modo ad id domini pataviensis, qui loci dyocesanus est, consensus accesserit et voluntas. Datum Salzburge, anno domini millesimo trecentesimo secundo, in prima vespera beati Nicolay.

Source Fulltext: Peter Peusquens