WIR Chunrat der Polle, ze den zeiten Purger Maister, und der Rat von der Stat ze Wienne, veriehen an disem prief, und tun chunt allen den die nu lebent, und hernach chunftich sint. Daz der Erber vrowe, vro Ilian, die Goetesvelderinne, durch reht Ehaftnoet, als si vor uns hat bewaert, mit zwain Erbern mannen, mit hern Chunraten dem Huobmaister, und mit hern Leupolten, uof der Saeul, Ein Fuetergruob an dem Hohen Markt hat verchauffet Friderichen dem Minneganch dem Sneider, und siner Hausvrowen vron Alhaiten, und sinen Erben, umbe Ainlef Phunt Wienner Phenning, der si reht, und redlich gewert ist. Und also, daz er ir, oder swem si iz seit alle Jar, da von dienen schol, zehen Schilling Phenning, ze rehtem Purchreht, als Purchrehtes reht ist. Daz disev rede also staete sei, und ouch unzerbrochen, des geb wir Zeug disen Prief, versigilt, mit unser Stat Insigil. Diser Prief ist geben ze Wienne, da von Christes Purt was Tausent Jar. Dreuhondert Jar. darnach in dem dritten Jar. an sand Georgii Tach.

Source Fulltext: Peter Peusquens