Nos Frater Chunradus Prior m Totusque Conventus fratrum Heremitarum ordinis sancti Augustini, in Wienna, constare cupimus universos, ad quos presentes pervenerint, quod ad laudem Dei, ac votivam instanciam, honorem viri, domini Henrici, Magistri decretorum doctore, plebani in Weikendorf, dyocesis pataviensis, necnon ob presentem pauperem, et salutem omnium fidelium, sincere promisimus, ac fideliter promittimus, per presentes, doctori predicto, quod Elemosi-nam, quam ipse apud Religiosos et discretos viros, fratres predicatores, in Wienna, pro salute anime sue et omnium sibi commissarum, perpetuo fieri ordinavit, tam in Triginta Sex panibus cottidie certa hora, Triginta Sex pauperibus erogandis, quam de vestibus talibus Triginta Sex pauperibus, in die beati Cholomanni, singulis annis distribuendis summa diligentia et studio, volumus et debemus, tam nos quam nostri successores, perpetuo, et absque omni negli(g)encia, et exceptione fideliter exequi et prefate perficere, iuxta omnem modum et formam, secundum quem et quam ipsi predicatores huiusmodi Elemosinam, prefate doctori exequi efficaciter promiserunt prout in eorum littera super hiis confecta ac nobis per eundem doctorem tradita, lucidius continetur. Ita tamen, quod si redditus, et proventus ipsis predicatoribus presentati ad talem Elemosinam perficiendam propter eorum culpam vel negli(g)enciam ad nos fuerint rationabiliter devoluti sicuti et in eorum littera, ac nobis propter hoc specialiter assignata expresse continetur. Debemus eciam et singulis septimanis queamus, diligentem hre.. et facere inquisitionem, erga predicatores, an ipsi huiusmodi Elemosinam, tam proinde et utiliter ordinatam fideliter perficiant ac integraliter exequantur, et ibidem promittimus, singulariter doctori prenarrato Si autem post devolutionem huiusmodi, ab ipsis predicatoribus de redditibus et proventibus ad nos factam et devolutam inveneremus quod absit Negli(g)entiam dolum, aut fraudem, circa prescriptam ordinationem et Elemosinam, facere aut committere quoquo modo tunc ipsi redditus et proventus, una cum singulis aliis bonis et litteris ad nos ratione praemissorum, devoluti, ad hospitale civium in Wienna, ut sequit devoluntur, Et ut circa premissa omnia et singula firmior et perfectior ac plenior sic certitudo et securitas, providis viris n Magistro Civium, Civitatis Wiennensis, ac iudici eiusdem nostro Magistro hospitalis memorati, premissorum plenam et liberam damus potestatem, ut ipsi coniunctim aut divisim valeant et debeant, singulis annis, quociens et quando ipsis aut ipsi placuerit seu voluerint, inquirare et investigare omnia et singula supracripta, per nos nostrosque successores modis et conditionibus debitis rite observentur, compleantur, et proficiantur, prout rationabiliter sunt ordinata Si autem invenerint tales officiales et persone, aut duo ipsorum Nos nostrosque successores, culpam aut negli(g)entiam vel errorem seu p....... erga prescripta, et eis adherencia et pertinencia commisisse, tunc omnis et singuli Redditus ac littere ad nos ab ipsis predicatoribus devoluti et devolute, ratione praemissorum post amicabilem amonicionem nobis a predictis personis factam et insinuatam si infra spacium quatuor dierum inmediate sequencium non emendaremus cum effectum, talia commissa, et cum effectum non satisfaceremus, de erratis et neglectis, modo debito, ad predictam hospitale Civium, ut predicitur, in sustentationem pauperum, ibidem degencium devoluentur, absque contradictionem quamlibet et devolventur ipso facto, ita quod tales persone possunt apprehendere omnia prescripta, et se libere intromittere de bonis premissis In quorum omnium Testimonium et evidenciam pleniorem, presentes ipsis tradimus litteras Sigillorum nostrorum munimine Roboratas. Actum et datum Wienne in domo nostra, anno domini Millesimo Trecentesimo Quinquagesimo Tercio, proxima dominica ante festum beati Geor(g)ii martyris.

Source Fulltext: Peter Peusquens