Wir Albrecht von Gotes gnaden, Hertzog ze Oesterreich, ze Stryr, und ze Kernden. Tuen kunt. Daz wir, unser getrewen .. den purgermaister und ... den Rat ze Wienn, versatzt haben, gegen unsern getrewen, Stephan von Meissowe obrister marschalch in Oesterreich, und seinen bruedern, umb vier Tausent, und zway hundert gueter guldein, die di wag habent mit den gelubden die ire brief sait, und geloben wir, demselben purgermaister und dem Rat, fur uns, und unser erben, bei unsern gnaden, daz wir si, und ire erben, von derselben purgelschaft, bringen sullen, an allen iren schaden . und geben in daruber ze uerchund disen brief besigelten, mit unserm Insigel. Der geben ist ze Wienn, an Mentag, voer sand Georgen tag. Nach Christes gebuerd dreutzehen hundert jar, darnach in dem fumf, und fumftzkisten jar.

Source Fulltext: Peter Peusquens